AXUDAS A PROXECTOS DE INVESTIMENTO EMPRESARIAL
RESOLUCIÓN do 12 de decembro de 2024 pola que se da publicidade do acordo do Consello de Dirección que aproba as bases reguladoras das axudas a proxectos de investimento empresarial para o ano 2025, cofinanciadas pola Unión Europea no marco do programa Galicia Feder 2021-2027, e se procede á súa convocatoria en réxime de concorrencia non competitiva (código de procedemento IG408A).
1. Constitúe o obxecto destas bases reguladoras a concesión de axudas a proxectos de investimento empresarial das seguintes modalidades:
I.1. Proxectos de investimento empresarial xerais.
I.2. Proxectos de investimento en equipamento produtivo.
2. Os proxectos de investimento obxecto de apoio deberán responder a algunha das seguintes tipoloxías de proxecto subvencionables:
– Creación dun novo establecemento.
– Ampliación de capacidade de establecementos existentes.
Así mesmo, deberán cumprir os requisitos específicos establecidos no artigo 6 para cada modalidade de proxecto.
3. O importe do investimento subvencionable dos proxectos para os cales se solicita a axuda deberá ser igual ou superior a 50.000 € para a modalidade I.1 e a 25.000 € para a modalidade I.2, e non superar os 800.000 € en ningunha das dúas modalidades. No caso de que o investimento subvencionable dunha solicitude supere o límite, procederase a axustala a esa contía máxima.
4. As pemes interesadas só poderán presentar unha solicitude de axuda nesta convocatoria. De presentarse máis dunha, arquivaranse automaticamente as rexistradas despois da primeira, salvo desistencia expresa doutras por parte da persoa solicitante.
O prazo de presentación de solicitudes iníciase ás 9:00 do 20 de xaneiro de 2025 e remata ás 14:00 do 30 de setembro de 2025